Почитувани Екселенции,
Би сакала да Ви посакам топло добредојде на мојот блог и да ја искористам оваа чест по повод Вашата ценета посета да Ви го претставам ma petite Versaille, ретко и извонредно ремек дело на старата Европска градска архитектурата на најпрестижна локација во срцето на Скопје, на алејата на дивите костени, Скопската Парк Авенија во непосредна близина на градскиот парк и Владата, во централното градско подрачје, со сите погодности на дофат, од пазарчето Буњаковец, најдобрите училишта, најубавите ресторани, и трговските центри.
Како сопственик и реставратор кој потекнува од старо скопско семејство на кое му е одземен импозантен имот во Скопје, негувам огромна почит кон високата цивилизациска култура од минатата ера на нашето поднебје, поради што во својата плејада на заложби за подобрување на условите во својата земја, исто така направив и подвиг за возобновување на овој прекрасен споменик на културата.
Палатата е изградена од првиот трговец со челик на овие простори во 1900 година, а автор е познатиот архитект на Ристиќевата палата, почитуваниот г-дин. Драгутин Маслаќ.
Резиденцијата претставува дело на безвремена архитектура на која се учи на престижните универзитети во Европа и на архитектонскиот факултет во Скопје, и како оригинален историски споменик на културата е заштитенa со закон.
По војната во овој апартман била сместена првата Влада на Република Македонија. Исто така ова е едно од двете импозантни архитектонски зданија кои не биле оштетени од земјотресот поради ингениозното инженерство и челичната структура имплементирани во овој објект.
На оваа страна имате можност да го погледнете Претседателскиот Апартман реновиран по највисоки стандарди, кој се состои од стамбена површина со високи сводови од 3,40м., на целиот прв кат од 175 м2 (што е ислкучително ретко да се најде како целина во Скопје).
Апартманот се состои од 8 огромни соби, голема кујна, 3 луксузни бањи, 2 Балкони и 2 големи тераси.
Имотот исто така располага со сопствена гаража и куќичка за велосипеди во дворот, како и две сутеренски простории.
Ова е единствен резиденцијален простор во градот со театрлно високи сводови, пространи балски соби, и оригинални декоративни детали од минатата ера со волкава квадратура.
Има централно греење и фантастична изолација со исклучително дебели ѕидови и дупли прозорци кои природно ја регуираат температурата.
Апартманот е целосно опремен со луксузно уредени бањи, кујна на Берлони Италија, драперија и завеси, како и лустери од вистински кристал во секоја соба.
Има четири постоечки влезови, два главни поставени еден спроти друг, и два споредни влезови за послуга и намирници со заеднички пристап од мезанинот кои водат преку терасите.
Постојат две класични антреа од двата главни влеза, еденото води кон формалното крило а другото кон интимниот дел од апартманот.
Грандиозиот салон инкорпорира три соби за дневен престој, дневна соба, трпезарија, библиотека (музичка соба/канцеларија), кои се отвораат и така сочинуваат балска сала соодветна за најсофистицираните формални приеми.
Главната спална соба е со западна ориентација и фантастичен поглед на крошните на дивите костени.
Двете дополнителни пространи и тивки сончеви спални соби имаат источна ориентација и излез на големи тераси со поглед на Гинко, дрвото на животот, кое е првото посадено во Скопје и е исто така заштитено со закон.
Двете раскошни бањи и едниот дополнителен тоалет се со големи прозорци, природна вентилација која е реткост. Бањите се целосно поплочени со најквалитетни порцелански плочки од Porcelanosa, Шпанија. Кадите се во англиски стил со позлатени чешми, стилските огледала се од Selava, Италија, а бронзените ламби со свилени абажури се од Orion, Австрија. Целосната адаптација на трите бањи е во износ од 70.000 Евра.
Големата кујна е комплетно опремена од Брлони Италија, во природен орев и мермер, со витражно стакло, и акценти на бронза, од Берлони Италија. А целосно е поплочена со најквалитетни порцелански плочки од Porcelanosa, Шпанија. Целосната адаптација само на кујната е во вредност од 50.000 Евра.
Една посебна соба е организирана како пералница со влез од големото купатило и со излез на тераса.
Има два балкони во салонскиот дел, и две големи тераси во делот на спалните кон градината.
Има централно парно греење, климатизер Panasonic Inverter, две постојни телефонски линии и посебни броеви,интернет, посебен сателитски приемник за Astra and Hotbird, сигурносни влезна врати, интерфон, електрична порта на далечинско управување за пристап на автомобилите и автоматски светла.
Користи индивидуална гаража соодветна за висина на џип и еднособна куќичка за велосипеди во дворот.
Во сите соби, во целиот стан се инсталирани Кристални Лустери, Maria Elena Crystal Chandeliers, RCR Royal Crystal Rock, Italy, во вредност од 20.000 Евра.
Исто така сите соби се опремени со многу вредна тешка брокатна драперија и органтински завеси со месингани корнизи од ерата во која е изградена палатата во вредност од 10.000 Евра.
Паркетот е дабов со повеќекратен лак со висок сјај.
Сите кваки на вратите и галантеријата на прозорците е исто така обновена во стилски месинг од истата ера.
Зградата е со нов кров, целосно обновена електрична инсталација и водоводна мрежа.
Трогната од убавината и душата на овој дом, се заложив да го реставрирам, и со тоа да го прикажам, продолжам, и да го зачувам сјајот на славната епоха во која сме биле успешни, напредни, и гламурозни во секоја смисла, како симбол кој не само што инспирира, туку открива каква инспиративна моќ е во нашата природа.
Моето семејство го посвети својот живот и тешко заработени средства во возобновување на палатата. Генерации на две семејства се вложени во создавањето на овој капитален посед. Во имотот се вложени над милон евра само во реновирање, десет години интензивна реставрација, и неизмерно многу љубов. За возврат имотот ми пружи вистински рај за живеење, неверојатен успех, среќа, и долгорочно ме издржува како мене, така и моето семејство во Соединетите Американски Држави.
Куќата е благословена од нашата Православна Црква. Познатите архитекти кои го посетиле мојот дом остануваат зашеметени од убавината на просторот кој остава трајно сеќавање на воодушевувачката естетска и енергетска вредност.
Овој елегантен, жив, и весел дом во кој сум вљубена го посетија многу видни амбасадори во нашата земја и останаа импресионирани од духовноста на богатството на нашиот виртуозен човек кој изградил храм на една висока култура.
Сега апартманот го закупува Амбасада која во овој комфорен дом ги вдомува своите професионални кадри од највисокиот ешалон на дипломатскиот кор кои се презадоволни од животот во палатата веќе над петнаесет години.
Импозантните континентални неокласицистички дорски столбови од мермер песочник во ентериерот се оригинални, и истите се увезени од Италија во минатиот век, изработени се од полн мермер кој доминира во формалните сали на Versailles & највисоките институции, како што се фасцинантните столбови на Capitol Hill во Вашингтон.
Со истиот вид на мермер бил поплочен целиот двор кој исто така бил и опколен со истиот модел на столбови, а вклучувал и централна мермерна фонтана. За жал по војната сите мермерни елементи од градината се искорнати и преместени во приватните вили на функционерите на новата комунистичка власт.
